D’Gugge 46 isch 80 Johr alt!
…und d Chronik isch doo!
Noch vyyl Johr professionellier Zämmenaarbet mit zB. em Ex-BaZ-Journi Dominik Heitz, unzähligi Stund Rescherchiere und Gryyble in alte, verstaubte (nit versaute. Dr Setzer.) Ordner, Archiiv und Unterlage isch si ändlig fertig: d Chronik vo dr Gugge 46.
Drinn findet Ihr Gschichte, Bilder, Anekdoote und mänggi Yyberraschig us 80 Johr Gugge-Gschicht. Mir syy drby uff Schätz gstosse, wo uns immer wider bestätigt hän, ass d'Gugge 46 dr Basler Fasnacht vyyl gee hett. Soo simmer unter anderem d Erfinder vo de Platzkonzäärt.
Y wog no immer z’behaupte: Ohni die elitääre Spinner vo de erschte zwai Johrzähnt, wäär dr Fasnachts-Zyschtig nit daas, waas er hyt isch – e kulturelle Wahnsinn!
D Chronik ka ab sofort bstellt und kauft wärde. Mit em Kauf oder ere Spänd im Rahme vo Eure Meegligkeite hälfet Ihr mit e wichtigs Stygg Basler Fasnachtsgschicht z’erhalte.
Beschte Dangg!
Georges M., Fabian P. & Gabriele B.